செய்திகள்

கோவையில் ஒர்க் ஸ்பெஸ் தேவையை பூர்த்தி செய்யும் ஸ்பேஸ்ஒன்!

Published

2 weeks ago

November 18, 2025

கேரளாவை தலைமையகத்தைக் கொண்ட SpazeOne, தென் இந்தியாவின் முன்னணி கோ-ஒர்கிங் மற்றும் மேனேஜ்ட் ஆபிஸ் நிறுவனமான திகழ்கிறது. வேகமாக வளர்ந்து வரும் முக்கிய வணிக நகரமான கோவையில் தனது புதிய மையத்தைத் தொடங்கி விரிவுபடுத்தியுள்ளது.

நகரின் மிகப் முக்கிய வர்த்தகச் சாலைகளில் தன்னுடைய மையத்தை நிறுவியுள்ள அமைத்துள்ள ஸ்பேஸ்ஒன், நிறுவனங்கள் எளிமையான அணுகுமுறையை பெறுவதற்கு உதவுவதை நோக்கமாகக் கொண்டுள்ளது.

SpazeOne, தகவல் தொழில்நுட்பம் (IT), BPO, மெடிக்கல் கோடிங், மீடியா, ஃபின்டெக் உள்ளிட்ட பல்வேறு வேகமாக வளர்ந்து வரும் துறைகளுக்கான நிறுவனங்களுக்கு முழுமையான 360° பணிமிட வசதிகளை வழங்குகிறது. இது தற்போது கோயம்புத்தூரில் தொடங்கியுள்ள புதிய மையத்தில் முழுமையாக மேலாண்மை செய்யப்பட்ட ஆபிஸ் ஸ்யூட்கள், தனிப்பட்ட கேபின்கள் மற்றும் நிறுவனத் தேவைகளுக்கு ஏற்ப விரிவாக்கக்கூடிய எண்டர்பிரைஸ் தளங்கள் ஆகியவை அவினாசி ரோடு, காமராஜர் ரோடு போன்ற முக்கிய வர்த்தகப் பகுதிகளில் அமைந்துள்ளன.

1 இருக்கை முதல் 1000 இருக்கைகள் வரை தொடங்கும் இப்பணிமிடங்களில் அதி வேக Wi-Fi, 24/7 பாதுகாப்பான அணுகல், எண்டர்பிரைஸ் தரம் கொண்ட மீட்டிங் ரூம்கள், ஹவுஸ்கீப்பிங் மற்றும் கஃபே வசதிகள் ஏற்படுத்தப்பட்டுள்ளது. நவீன வடிவமைப்புகள், உடல்நலனைக் கருத்தில் கொண்ட திறம்பட செயல்பட உதவும் முறையில் வடிவமைக்கப்பட்டுள்ளன.

ஸ்டார்ட்அப்கள் நிறுவனங்கள் , IT நிறுவனங்கள், உற்பத்தி சார்ந்த நிறுவனங்கள் அதிக செயல்பாட்டைக் காணும் நிலையில், நெகிழ்வான மற்றும் முழுமையாக சேவை செய்யப்பட்ட பணிமிடங்களுக்கான தேவையும் வேகமாக உயர்ந்து வருகிறது. அவினாசி ரோடு போன்ற வளர்ச்சியடைந்த, மக்கள் நடமாட்டம் அதிகமான சாலைகளில் தனது புதிய மையத்தை அமைப்பதன் மூலம், கோயம்புத்தூரின் வேகமான வர்த்தக விரிவாக்கத்துக்கும், உருவாகி வரும் தொழில்முனைவோர் சூழலுக்கும் ஸ்பேஸ்ஒன் தன்னை இணைத்துக்கொள்கிறது. குறிப்பாக SME குழுக்கள் மற்றும் எண்டர்பிரைஸ் செய்முறை அலுவலகக் குழுக்கள் தங்கள் இருப்பைத் திறம்படவும் விரைவாகவும் உருவாக்க உதவும் அளவுகோல் மாறக்கூடிய பணிமிடங்களை வழங்குவதே நிறுவனத்தின் நோக்கமாகும்.

ஜேம்ஸ் தோமஸ் மற்றும் சிஜோ ஜோஸ் ஆகியோரால் இணைந்து நிறுவப்பட்ட ஸ்பேஸ்ஒன், முக்கிய சந்தைகளில் உயர்தர, தொழில்நுட்பம் சார்ந்த பணிமிடங்களை அனைவருக்கும் அணுகக்கூடியதாக மாற்றும் கனவைக் கொண்டுள்ளது. வளர்ச்சியை நோக்கி செயல்படும் நிறுவனங்களுக்கு மாற்றத்திற்கேற்ப தழுவக்கூடிய ஆபிஸ் மாடல்கள், வலுவான சமூக வலையமைப்புகள் மற்றும் நவீன, முக்கிய இடங்களில் அமைந்த சூழல்களை வழங்குவதே இவர்களின் நோக்கமாகும்

செய்திகள்

நாங்கள் ஆச்சர்யக்குறி; மாற்றத்துக்கான அறிகுறி!

Published

1 week ago

November 23, 2025

dinaidhigai

தனிப்பட்ட முறையில் எங்களுக்கும், அவங்களுக்கும் எந்த பிரச்னையும் கிடையாதுங்க, எந்த வாயக்கால் வரப்பு தகராறு எல்லாம் ஏதுமே கிடையாதுங்க, அப்படி இருந்தாலும் அதனை நாம் கண்டுகொள்ள போவது கிடையாது.
அவர்கள் வேண்டுமானால் எங்கள் மீது வன்மத்தோடு இருக்கலாம். நாங்கள் அப்படி இல்லை. ஆனால் உங்களை, என்னை, நம்ம எல்லோரையும் பொய் சொல்லி நம்ப வைத்து, ஓட்டு போட வஞ்சு ஏமாத்தினாங்க இல்ல, அப்படி ஏமாற்றி ஆட்சிக்கு வந்து, மக்களுக்கு நல்லது செய்வது போல் நடிக்கிறாங்க, நாடகம் ஆடுகிறார்கள், அவர்களை எப்படி நாம் கேள்வி கேட்காமல் இருக்க முடியும்?
அதனால் அவர்களை கேள்வி கேட்காமல் நாம் விட போவது இல்லை. இதனை காஞ்சிபுரம் மண்ணில் இருந்து சொல்கிறேன் என்றால், இந்த மண்ணுக்கும் நமக்கும் ஒரு தொடர்பு ஏற்படுகிறது.

முதல் களப்பயணம் தொடங்கியது பரந்தூரில் இருந்து தான். இன்றைக்கு மன வேதனைக்கு பிறகு மக்கள் சந்திப்பு நிகழ்ச்சிக்கு வந்து இருப்பது காஞ்சிபுரம் மாவட்டம் தான். மக்களிடம் செல் என்று சொன்ன அண்ணாதுரையை மறந்தது யார்?
மக்களுக்காக சட்டபூர்வமாக எல்லா நல்லவற்றையும் செய்ய வேண்டும். ஒட்டுமொத்த மக்களுக்காக செய்ய வேண்டும். அந்த ஒரே லட்சியத்தில் தான் அரசியலுக்கு வந்துள்ளோம். கொள்கை என்ன கிலோ என்ன, விலை என்ன கேட்கிற அளவுக்கு, பிறப்பொக்கும் எல்லா உயிர்க்கும், சமத்துவம் சம வாய்ப்பு என்று கூறும் எங்களுக்கு கொள்கை இல்லை என்கிறார் முதல்வர்.

வக்பு சட்டத்தை எதிர்த்து முதலில் சுப்ரீம் கோர்ட்டிற்கு சென்ற எங்களுக்கு கொள்கை இல்லையா? இவர்கள் கொள்கையே கொள்ளை தான்.

மக்களுக்காக, மக்கள் பிரச்னையை பேசுவதால், ஆட்சியில் இருப்பவர்களுக்கு நமது மேல் ஆத்திரம் வர தானே செய்யும்.நம்ம ஆட்சிக்கு வந்தால், அது என்ன வந்தால், வருவோம். மக்கள் கண்டிப்பாக நம்மளை வர வைப்பாங்க, மக்களுக்கான ஆட்சியை மக்களே விரும்பி வர வைக்க தானே செய்வாங்க, அப்படி மக்களால் அமைக்கப்பட ஆட்சியில் என்ன செய்ய போகிறோம் என்று தேர்தல் அறிக்கையில் விளக்கமாக கொடுப்போம். அதற்கு முன், நான் சிறியதாக கொஞ்சம் சொல்ல வேண்டும் என்று ஆசைப்படுகிறேன்.

எல்லோருக்கும் நிரந்தர வீடு இருக்கணும்,

வீட்டுக்கு ஒரு மோட்டார் சைக்கிள் இருக்கணும்

கார் லட்சியம். ஒவ்வொரு வீட்டிலும் கார் இருக்கும் வகையில் பொருளாதார மேம்பாடு

ஒவ்வொருவரும் குறைந்தபட்சம் பட்டப்படிப்பு படித்திருக்கணும்

வீட்டில் குறைந்தபட்சம் ஒருவருக்கு நிரந்தர வருமானம்

அதற்கான வேலைவாய்ப்பு உருவாக்கணும்

அதற்கு தகுந்தபடி கல்வியில் சீர்திருத்தம்

அரசு மருத்துவமனைக்கு பயமின்றி நம்பி செல்லும் வகையில் வசதி

பருவமழையில் எதுவும் பாதிக்காமல் இருக்கும் வகையில் மேம்பாடு

மீனவர்கள், தொழிலாளர்கள், நெசவாளர்கள், அரசு

ஊழியர்கள், ஆசிரியர்களிடம் கருத்து கேட்டு பாதுகாப்பு, வளர்ச்சி திட்டங்கள் செயல்படுத்தப்படும்.

தொழில் வளர்ச்சியில் கவனம் இருக்கும்.

சட்டம் ஒழுங்கு கண்டிப்புடன் இருக்கும்.

இதற்கான விரிவான திட்டங்கள் எல்லாம் எங்கள் தேர்தல் அறிக்கையில் இருக்கும். இந்த விஜய் சும்மா ஏதும் சொல்ல மாட்டான். ஒன்று சொன்னால் அதை செய்யாம விடமாட்டான்.

கோயம்பத்தூர்

கோவை விழா ஓவிய சந்தை (ART Street ) ; கோவை மாவட்ட ஆட்சியர் திரு.பவன் குமார் அவர்கள் தொடங்கி வைத்தார்!

Published

1 week ago

November 23, 2025

dinaidhigai

18ம் கோயம்புத்தூர் விழாவின் ஒரு பகுதியாக, கோவை அரசு கலை கல்லூரி வளாகத்தில் ஓவிய சந்தை (ஆர்ட் ஸ்ட்ரீட்) திருவிழா சனிக்கிழமை துவங்கியது. 2
நாட்கள் நடைபெறும் இந்த கலை திருவிழாவை கோவை மாவட்ட கலெக்டர் பவன்குமார் ஐ.ஏ.எஸ். துவக்கி வைத்தார்.இந்த ஆண்டு, ஓவிய சந்தையின் 9வது பதிப்பு. இது பிரதிபலிப்புகள் எனும்
கருப்பொருளுடன் நடைபெறுகிறது. இந்த நிகழ்வில், கோயம்புத்தூர், சென்னை,பெங்களூரு, கேரளாவின் பல்வேறு பகுதிகள் மற்றும் தென் இந்தியாவின் பிற நகரங்களில் இருந்து 90 கலைஞர்கள்பங்கேற்று, தங்கள் கலைப்படைப்புகளை
காட்சிப்படுத்தி உள்ளனர். நூல், மரம் மற்றும் மணல் கலை, ஓவியங்கள்,உருவப்படங்கள் மற்றும் தலைகீழ் ஓவியங்கள் போன்ற தனித்துவமான படைப்புகள் இதில் இடம்பெற்றுள்ளன.இத்துடன் கோயம்புத்தூர் விழா குழுவினர், இந்தியன் இன்ஸ்டிடியூட் ஆஃப் இன்டீரியர் டிசைனர்ஸ் – கோயம்புத்தூர் மையத்துடன் இணைந்து,பிரதிபலிப்புகள் என்ற கருப்பொருளின் அடிப்படையில் பல்வேறு கலை நிறுவல்களை அமைத்துள்ளனர்.

கோயம்பத்தூர்

கோழிப்பண்ணை மற்றும் கோழி வளர்ப்பு தொழில்நுட்ப மாநாடு !

Published

2 weeks ago

November 18, 2025

dinaidhigai

கோவை மாவட்டம் சூலூர் கண்ணம்பாளையத்தில் உள்ள தனியார் விடுதியில், பிராய்லர் ஒருங்கிணைப்பு குழு (பவுல்ட்ரி ஃபார்மர்ஸ் ரெகுலேட்டரி அமைப்பு) சார்பில் கோழிப்பண்ணை மற்றும் கோழி வளர்ப்பு தொழில்நுட்ப மாநாடு நடைபெற்றது. இந்த மாநாட்டில், இறந்த கோழிகள் மற்றும் கோழி கழிவுகளை மறுசுழற்சி செய்ய ‘ரெண்டரிங் பிளானட்’ (Rendering Plant) அமைத்துக் கொடுக்க வேண்டும் என்று தமிழக அரசுக்கு வலியுறுத்தப்பட்டுள்ளது.

கோவை, திருப்பூர் சுற்றியுள்ள பகுதிகளில் தான் அதிக அளவில் உற்பத்தி நடைபெறுவதால், இந்தப் பகுதியில் இதை அமைத்துக் கொடுப்பது மறுசுழற்சி செய்ய ஏதுவாக இருக்கும் என்று கோரிக்கை விடுக்கப்பட்டது.

மாநாட்டின் சிறப்பு விருந்தினர்களாகப் பண்ணை கோழி ஒழுங்குமுறை குழு மேலாண்மை ஆலோசகர் ராம்ஜி மற்றும் டாக்டர் சிவக்குமார் உள்ளிட்டோர் பங்கேற்றனர்.

இம்மாநாட்டில், “பிராய்லர் கோழி சத்தான உணவு” என்ற உறுதிமொழி ஏற்கப்பட்டது.

பின்னர் செய்தியாளரிடம் பேசிய கறிக்கோழி உட்கொள்வதால் எந்தவிதமான தீங்கும் ஏற்படுவதில்லை என்றும், குறைந்த விலையில் கிடைக்கும் சிறந்த புரோட்டின் பிராய்லர் கோழிகள் தான் மேலும், கறிக்கோழியின் தனிமனித நுகர்வு 4 கிலோவில் இருந்து 10 கிலோ வரை உயர்ந்துள்ளது. கோழி விற்பனை அதிகமானதால் மக்காச்சோளம் விளைச்சலும் அதிகமாகி, விவசாயிகள் பயனடைந்து வருகின்றனர். ஜிஎஸ்டி வரி குறைப்பால் மற்ற மாநிலங்களுக்குச் செல்லும்போது வரி இல்லாமல் பயணிக்க முடிகிறது. கறிக்கோழி வளர்ப்பில் தமிழகம் தான் இந்தியாவிலேயே முதலிடத்தில் உள்ளது என்று தெரிவித்தார்