தமிழக அரசு சார்பில் சென்னையில், 50வது ஆண்டு பொன்விழா துப்பாக்கி சுடுதல் விளையாட்டுப் போட்டி நடந்தது. இதில், கோவையில் அமைந்துள்ள பிரபல கல்வி.

நிறுவனமான இந்துஸ்தான் மெட்ரிக் மேல் நிலைப்பள்ளியில் பன்னிரெண்டாம் வகுப்பு பயிலும் மாணவி ஹேமந்த்ரா,மாநில அளவில் இரண்டாம் இடம் பிடித்து, வெள்ளி பதக்கம் வென்றுள்ளார்.10 மீட்டர் ஏர் பிஸ்டல் பிரிவு,10 மீட்டர் ஏர் பிஸ்டல் ஜூனியர் பெண்கள் பிரிவு மற்றும்10 மீட்டர் ஏர் பிஸ்டல் யூத் விமன் பிரிவுகளில்,364 ஸ்கோர் பெற்று, இரண்டாவது இடம் பிடித்து,மூன்று வெள்ளி பதக்கங்களை வென்றுள்ளார்.

தமிழ்நாடு சூட்டிங் அசோசியேஷன் நடத்திய இப்போட்டிகளில், மாநில அளவில் வெற்றி பெற்ற ஹேமந்த்ராவை பாராட்டி, முதல்வர் ஸ்டாலின் பதக்கங்களையும்,சான்றிதழ்களையும் வழங்கி கவுரவித்தார்.

மாணவி ஹேமந்த்ராவை, இந்துஸ்தான்கல்வி நிறுவன செயலாளர் சரஸ்வதி, நிர்வாக செயலாளர் பிரியா,முதல்வர் செண்பகவல்லி மற்றும் ஆசிரியர்கள் வாழ்த்தினர்.

18ம் கோயம்புத்தூர் விழாவின் ஒரு பகுதியாக, கோவை அரசு கலை கல்லூரி வளாகத்தில் ஓவிய சந்தை (ஆர்ட் ஸ்ட்ரீட்) திருவிழா சனிக்கிழமை துவங்கியது. 2
நாட்கள் நடைபெறும் இந்த கலை திருவிழாவை கோவை மாவட்ட கலெக்டர் பவன்குமார் ஐ.ஏ.எஸ். துவக்கி வைத்தார்.இந்த ஆண்டு, ஓவிய சந்தையின் 9வது பதிப்பு. இது  பிரதிபலிப்புகள் எனும்
கருப்பொருளுடன் நடைபெறுகிறது. இந்த நிகழ்வில், கோயம்புத்தூர், சென்னை,பெங்களூரு, கேரளாவின் பல்வேறு பகுதிகள் மற்றும் தென் இந்தியாவின் பிற நகரங்களில் இருந்து 90 கலைஞர்கள்பங்கேற்று, தங்கள் கலைப்படைப்புகளை
காட்சிப்படுத்தி உள்ளனர்.  நூல், மரம் மற்றும் மணல் கலை, ஓவியங்கள்,உருவப்படங்கள் மற்றும் தலைகீழ் ஓவியங்கள் போன்ற தனித்துவமான படைப்புகள் இதில் இடம்பெற்றுள்ளன.இத்துடன் கோயம்புத்தூர் விழா குழுவினர், இந்தியன் இன்ஸ்டிடியூட் ஆஃப் இன்டீரியர் டிசைனர்ஸ் – கோயம்புத்தூர் மையத்துடன் இணைந்து,பிரதிபலிப்புகள் என்ற கருப்பொருளின் அடிப்படையில் பல்வேறு கலை நிறுவல்களை அமைத்துள்ளனர்.

கோவை விழா கொண்டாட்டங்களின் ஒரு பகுதியாக, தி பீப்பிள் கேட்டலிஸ்ட் மற்றும் இந்துஸ்தான் கல்லூரி ஆஃப் ஆர்ட்ஸ் அண்ட் சயன்ஸ் (HICAS) ரோட்டரக்ட் கிளப் இணைந்து, HR360 எனும் விரிவான மனிதவளப் பயிற்சி நிகழ்வை சிறப்பாக நடத்தியது. “The Future of Work: Balancing People, AI, and Purpose” என்ற தலைப்பில் நடைபெற்ற இந்த நிகழ்வில், Wipro, Larsen & Toubro, Kovai.co, Pricol, CodingMart போன்ற முன்னணி நிறுவனங்களில் இருந்து வந்த ஆறு தொழில்துறை நிபுணர்கள் கலந்துகொண்டு, பணிமுறைகள் மாற்றம், தொழிலாளர் நலன், தலைமைத் திறன் வளர்ச்சி மற்றும் செயற்கை நுண்ணறிவுடன் மனிதவளத்தின் ஒத்துழைப்பு போன்ற முக்கிய அம்சங்களைப் பற்றிய தத்ரூபமான கலந்துரையாடலில் பங்கேற்றனர். தொழில்நுட்ப வளர்ச்சி எதிர்கால பணிமுறை அமைப்பை மாற்றிக் கொண்டே இருப்பினும், கருணை, தழுவிக்கொள்ளும் திறன் மற்றும் நோக்கம் சார்ந்த நிர்வாக அணுகுமுறை ஆகியவை, பயனுள்ள தலைமைத்துவத்திற்கும் நல்ல நிறுவன பண்பாட்டிற்கும் அடிப்படை அம்சமாக தொடர வேண்டும் என்பதே நிகழ்வின் முக்கிய செய்தியாக அமைந்தது.