வி.ஜி.எம் மருத்துவமனையில் பிரபல தமிழ் பேச்சாளர் “சிந்தனைக் கவிஞர்” கவிதாசன் எழுதிய “உயர்தனி செம்மொழி” என்ற நூல் வெளியிடப்பட்டது.
இந்த நூல் தமிழ் மொழியின் சிறப்பை 30 விதமான கோணங்களில் விவரிக்கிறது. இதில் 30 தமிழ் அறிஞர்கள், மருத்துவர்கள், கல்லூரி பேராசிரியர்கள் ஆகியோரின் கட்டுரைகள் இடம்பெற்றுள்ளன.
இந்த நூலை வி.ஜி.எம் மருத்துவமனை தலைவர் டாக்டர் வி.ஜி மோகன் பிரசாத் அவர்கள் வெளியிட, எழுத்தாளர் மற்றும் பேச்சாளர் கவிதாசன் (இயக்குனர் – ரூட்ஸ் குழும நிறுவனங்கள்) அவர்கள் முன்னிலையில் வெளியிட்டார்
மேலும், டாக்டர் மதுரா பிரசாத், டாக்டர் வம்சி முர்த்தி (இயக்குநர்கள் – என்டோஸ்கோபி பிரிவு), டாக்டர் சுமன் (மருத்துவ இயக்குநர்), டாக்டர் மித்ரா பிரசாத் ( கல்லீரல் நிபுணர் – வி.ஜி.எம் . மருத்துவமனை), வி. ராஜ்குமார் (மாணேஜிங் டைரக்டர் – ராம் ஆக்ஸிஜன் கம்பனி), கவிஞர் ‘மருதூர்’ கோடீஸ்வரன், தமிழ் ஆரிய வைஷ்ய மகாசபா சார்பில் விஜயகுமார் உள்ளிட்ட பலர் கலந்து கொண்டனர்.
நூல் வெளியீட்டு விழாவில் பேசிய கவிதாசன் அவர்கள் கூறியதாவது:
“உலகத்தில் 7 செம்மொழிகள் உள்ளன, அவற்றில் தமிழ் ஒன்றாகும். பல மொழிகள் தமிழிலிருந்து தோன்றியவை. நீதியைப் பற்றி பேசும் மொழி உலகில் வேறு எதுவும் இல்லை. தமிழில் இடம்பெற்ற அரிய பொக்கிஷங்களை இந்த நூலில் தொகுத்துள்ளோம். தமிழின் அழகை அடுத்த தலைமுறைக்கு கொண்டு சேர்க்க வேண்டும் என்பதற்கான ஒரு முயற்சிதான் இந்த நூல்,” என்றார்.
இந்த நூலில் இடம்பெற்றுள்ள 30 கட்டுரைகளில், ‘தமிழ் – ஒரு மருத்துவ மொழி’ என்ற தலைப்பில் எழுதப்பட்ட கட்டுரை டாக்டர் வி.ஜி.மோகன் பிரசாத் அவர்களின்தாகும்.
அந்த கட்டுரை குறித்து அவர் கூறுகையில்:
“இந்த கட்டுரையில் பண்டைய தமிழர்களின் உணவுப் பண்பாடு, அவர்கள் மருந்தின்றி வாழ்ந்த வாழ்க்கைமுறை ஆகியவை பேசப்பட்டுள்ளன. பல அரிய நூல்களில் இருந்து மேற்கோள்கள் சேர்க்கப்பட்டுள்ளன,” என்றார்.
