கோவை: புளோரா வெடிங்ஸ் & ஈவென்ட்ஸின் ஒரு அங்கமான ‘ஃபேஷன் கலெக்டிவ் கோவை’, கோவையில் உள்ள மெர்லிஸ் அரங்கில் “குயின் கோவை & பிரின்சஸ் கோவை 2026” அழகுப் போட்டியை மிகச் சிறப்பாக நடைபெற்றது.
இதன் நிறுவனரும் இயக்குநருமான ரேஷ்மா ஸ்ரீஜய் தலைமையில், பெண்களின் தனித்துவம் மற்றும் பெண்மை போற்றும் வகையில் இந்நிகழ்ச்சி நடைபெற்றது.
இப்போட்டியில் திருமதி அஷ்வினி சுந்தரராஜு ‘குயின் கோவை 2026’ பட்டத்தையும், ஸ்மிதா ராஜசேகரன் ‘பிரின்சஸ் கோவை 2026’ பட்டத்தையும் வென்றனர். பிரபல முன்னணி நடிகை ஹன்சிகா மோத்வானி வெற்றியாளர்களுக்கு மகுடம் சூட்டி சிறப்பித்தார்.
அறிமுகச் சுற்று, பாரம்பரிய உடைச் சுற்று மற்றும் கேள்வி-பதில் சுற்றுகளில் போட்டியாளர்கள் தங்களின் திறமைகளை வெளிப்படுத்தினர். டிஎன்சிடி டெவலப்பர்ஸ் (TNCD Developers) முதன்மை ஸ்பான்சராகவும், சுமங்கலி ஜூவல்லர்ஸ் மற்றும் ஷ்லோகா இணை ஸ்பான்சர்களாகவும் செயல்பட்டனர்.நடுவர் குழுவில் டாக்டர் ராஜ்ஸ்ரீ பதி, டாக்டர் தாமோதர் ராவ், நடனக் கலைஞர் லாவண்யா சங்கர், சரண்யா ரெங்கராஜ், டாக்டர் அபிராமி மற்றும் பிரசன்னா ஸ்ரீவத்சன் ஆகியோர் இடம்பெற்றனர். இந்நிகழ்ச்சியைப் பெரும் வெற்றியாக்கிய அனைவருக்கும் ரேஷ்மா ஸ்ரீஜய் நன்றி தெரிவித்தார்.
