ஆரோக்கியம்

இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!

Published

3 weeks ago

November 8, 2025

சுகாதார சேவை வழங்குநர்கள் சங்கம் – தமிழ்நாடு பிரிவு (AHPI-TN), அதன் சுகாதார மாநாடான AHPICON-ஐ கோவையில் உள்ள தனியார் ஹோட்டலில் நடத்தினர்.

‘நிலைத்தன்மையில் இருந்து விரிவாக்கம் வரை: ஒவ்வொரு மருத்துவமனைத் தரத்தையும் வலுப்படுத்துதல்’ என்பது இந்த மாநாட்டின் கருப்பொருளாக இருந்தது.

இந்த கருப்பொருள், சிறிய, நடுத்தர மற்றும் பெரிய மருத்துவமனைகள் தங்கள் செயல்பாடுகளைத் தக்கவைத்துக்கொள்வதைத் தாண்டி, திறமையாகவும் பொறுப்புடனும் விரிவாக்கம் செய்ய வேண்டியதன் அவசியத்தை வலியுறுத்துகிறது.

நிதி ஒழுக்கம், டிஜிட்டல் மாற்றம் மற்றும் மனித வளத்தைப் பயன்படுத்தி அனைத்து மட்ட சுகாதாரப் பராமரிப்பு மையங்களுக்கும் அதிகாரம் அளிப்பதை இது வலியுறுத்துகிறது. இந்த நிகழ்விற்கு தமிழ்நாட்டின் 5 மண்டலங்களிலிருந்தும் இந்திய சுகாதார சேவை வழங்குநர்கள் சங்க உறுப்பினர்கள் கலந்துகொண்டனர்.

எல்ஜி எக்யூப்மென்ட்ஸ் நிறுவனத்தின் நிர்வாக இயக்குனர்
பிரபல தொழிலதிபர் டாக்டர். ஜெயராம் வரதராஜ் இந்த மாநாட்டின் தொடக்க விழாவில் தலைமை விருந்தினராகப் பங்கேற்ற சிறப்புரை ஆற்றினார்.

டாக்டர். ராஜசேகரன், தலைவர் – எலும்பியல் துறை, கங்கா மருத்துவ மையம் மற்றும் மருத்துவமனைகள் கௌரவ விருந்தினராகப் பங்கேற்றார். இந்திய சுகாதார சேவை வழங்குநர்கள் சங்கத்தின் டைரக்டர் ஜெனரல் டாக்டர். கிரிதர் க்யானி, மற்றும் இந்த சங்கத்தின் நிறுவனத் தலைவர் டாக்டர். அலெக்சாண்டர் தாமஸ் சிறப்பு உரை வழங்கினர். இந்த மாநாட்டில் பல ஆழமான பேச்சாளர் அமர்வுகள் மற்றும் குழு விவாதங்கள் இடம்பெற்றன.

தொடக்க அமர்வின்போது, இந்த சங்கத்தின் டைரக்டர் ஜெனரல் டாக்டர். கிரிதர் க்யானி, மருத்துவமனைகளுக்கும் காப்பீட்டு நிறுவனங்களுக்கும் இடையேயான சவால்கள் நிறைந்த உறவு பற்றி பேசினார். நோயாளிகள், மருத்துவமனைகள் மற்றும் காப்பீட்டு சேவை வழங்குநர்களுக்கு என இந்த மூன்று தரப்பினருக்கும் பயனுள்ளதாக அமையும் ஒரு சூழலை உருவாக்க, சுகாதார வழங்குநர்களும் காப்பீட்டாளர்களும் இணைந்து செயல்பட வேண்டும் என்று அவர் வலியுறுத்தினார்.

இந்த சங்கத்தின் நிறுவன தலைவர் டாக்டர். அலெக்சாண்டர் தாமஸ் , சுகாதார நிறுவனங்களில் தரத்தின் முக்கியத்துவத்தைப் பற்றிப் பேசினார். நவீன சுகாதாரச் சூழலில், உயர் தரத்தை அடைவது ஒரு இலக்காக மட்டும் இருக்காமல், ஒரு மருத்துவமனையின் வளர்ச்சி மற்றும் நீடித்த நிலைத்தன்மைக்கான அடிப்படைக் கொள்கையாக இருக்க வேண்டும் என்று அவர் கருத்து தெரிவித்தார். தரத்தை மேம்படுத்துவதில் கவனம் செலுத்தும் மருத்துவமனைகள் நோயாளியின் திருப்தியை மேம்படுத்தி, நேர்மறையான பரிந்துரைகள் மூலம் சந்தைப் பங்கை அதிகரிக்கின்றன என்று அவர் விளக்கினார்.

இந்த சங்கத்தின் தமிழகப் பிரிவு தலைவர் மற்றும் தேவதாஸ் மருத்துவமனை இணைத் தலைவர் டாக்டர். சதீஷ் தேவதாஸ் அவர்கள் மருத்துவமனைகளுக்கான நீடித்த நிலைத்தன்மை மற்றும் வளர்ச்சி பற்றிப் பேசினார். சிறந்த நடைமுறைகளை பின்பற்றுவது செயல்பாட்டுச் செலவுகளை வெகுவாகக் குறைத்து, புத்தாக்கம் மற்றும் விரிவாக்கத்திற்கான நிலையான நிதி ஆதாரத்தை உருவாக்கித் தரும் என்றார். இந்த சேமிப்பு, மேம்பட்ட மருத்துவ தொழில்நுட்பங்களில் முதலீடு செய்ய அவசியம் என்றும், ஒரு மருத்துவமனையின் நீடித்த நிலைத்தன்மை குறித்த அர்ப்பணிப்பு சமூகத்தின் மத்தியில் மருத்துவமனையின் நற்பெயரை மேம்படுத்துகிறது என்றும் அவர் கூறினார்.

இந்த துவக்க நிகழ்வில்,
கங்கா மருத்துவ மையம் மற்றும் மருத்துவமனையின் இயக்குநர் திருமதி. ராமா ராஜசேகரன், ஜெம் மருத்துவமனையின் இணை மேலாண்மை இயக்குநர் டாக்டர். பிரவீன் ராஜ், கோவை மெடிக்கல் சென்டர் மற்றும் ஹாஸ்பிடல்-இன் நிர்வாக இயக்குநர் டாக்டர். அருண் பழனிசாமி; சேலம் கோபி மருத்துவமனையின் இயக்குநர் திரு. அசோக் குமார்; கே ஜி மருத்துவமனையின் தலைமைச் செயல்பாட்டு அதிகாரி திரு. ஜெயக்குமார்; எப்.எல்.ஏ. பி. ஹெல்த்கேர் நிறுவனர் திரு. அடேல்; ஸ்ரீகமாட்சி மருத்துவ மையத்தின் நிர்வாக இயக்குனர் டாக்டர். எம்.கே. எனியன் மற்றும் ஃப்ரண்டியர் லைஃப்லைன் மருத்துவமனையின் துணைத் தலைவர் திருமதி. சந்தியா செரியன் ஆகியோரும் இந்த துவக்க விழாவில் கலந்துகொண்டனர்.

ஆரோக்கியம்

ஜப்பான் நாட்டில் ஜெம் மருத்துவமனையின் தலைவர் டாக்டர். சி. பழனிவேலுவுக்கு கௌரவ உறுப்பினர் அங்கீகாரம்!!

Published

3 weeks ago

November 8, 2025

dinaidhigai

உணவுக்குழாய் புற்றுநோய்க்கு புது அறுவை சிகிச்சை உத்தியை உருவாக்கி, புரட்சி செய்ததற்காக கோவை ஜெம் மருத்துவமனையின் தலைவர் டாக்டர் சி. பழனிவேலுவை தங்களது கவுரவ உறுப்பினராக நியமித்தது ஜப்பான் தொராசிக் அறுவை சிகிச்சை சங்கம்.

இந்த அங்கீகாரம் அவருக்கு 23.10.2025ல் ஜப்பான் நாட்டில் இந்த சங்கத்தின் 78வது ஆண்டு மாநட்டில் வழங்கப்பட்டது.

கோயம்புத்தூரில் நடைபெற்ற செய்தியாளர் சந்திப்பில் பேசிய டாக்டர் பழனிவேலு அவர்கள், தொராசிக் சர்ஜரி துறையில், உணவுக்குழாய் புற்றுநோய்க்கான புதுமையான சிகிச்சை முறை உலகளவில் அங்கீகரிக்கப்பட்டுள்ளதை மகிழ்ச்சியுடன் பகிர்ந்துக்கொண்டார்.

1998 ஆம் ஆண்டு உணவுக்குழாய் புற்றுநோய்க்கு புது அறுவை சிகிச்சை உத்தி ( Thoracoscopic Esophagectomy in Prone Position) டாக்டர் பழனிவேலுவால் உருவாக்கபட்டது. இதன் மூலம் நல்ல விளைவுகள் புற்றுநோயால் பாதிக்கப்பட்டவர்களுக்கு கிடைத்தது.

இந்த உத்தியை ஆசிய பசிபிக் நாடுகளுக்கான மருத்துவ கருத்தரங்கு ஒன்றில் 2005ம் ஆண்டு டாக்டர் பழனிவேலு பல்வேறு மருத்துவ நிபுணர்கள் முன்பு செய்து காட்டியிருந்தார். இதற்கு பெரும் வரவேற்பு இருந்தது. இதை தொடர்நது ஜப்பான் நாட்டில் இருந்து டாக்டர் பழனிவேலு தங்கள் நாட்டில் மருத்துவ துறையை சேர்ந்தவர்கள் முன்பு இதை செய்து காட்ட அழைப்பு விடுக்கப்பட்டது.

டாக்டர் பழனிவேலு அறிமுகம் செய்த இந்த புது அறுவை சிகிச்சை முறை ஜப்பான் நாட்டில் உணவுக்குழாய் புற்றுநோய்க்கான சிகிச்சையில் மாபெரும் மாற்றத்தை கொண்டுவந்தது. இந்த முறை சிகிச்சை பற்றிய அவரின் மருத்துவக்கட்டுரைகள் அந்நாடு மட்டுமின்றி உலக நாடுகளின் மதிப்பை பெற்றது. அமெரிக்கா, இங்கிலாந்து, ஐரோப்பாவின் பல நாடுகள், ஆசிய நாடுகளில் இந்த சிகிச்சை முறைக்கான பாராட்டும் அங்கீகாரமும் கிடைத்தது.

இந்த நிலையில், ஜப்பான் தொராசிக் அறுவை சிகிச்சை சங்கம் இப்படிப்பட்ட தாக்கத்தை இந்த துறையில் ஏற்படுத்தியதாக டாக்டர் பழனிவேலுக்கு கவுரவ உறுப்பினர் பதவி வழங்கி மரியாதை செய்துள்ளது.

இந்த புதுமை கொண்ட அறுவை சிகிச்சை முறையை டாக்டர் பழனிவேலு இந்தியாவில் டெல்லி, மும்பை, சென்னை, கோவை என பல முக்கிய நகரங்களில் உள்ள உணவுக்குழாய் புற்றுநோய்க்கான அறுவை சிகிச்சை செய்யும் மருத்துவ நிபுணர்களுக்கு பயிற்சி வழங்கி உள்ளார்.உலக நாடுகளில் உள்ள நிபுணர்களுக்கு பயிற்சி வழங்கி உள்ளார். அடுத்த ஆண்டு ஜனவரி முதல் இதை இன்னும் தீவிரமாக முன்னெடுக்க உள்ளார் என்பது குறிப்பிடத்தக்கது.

ஆரோக்கியம்

உடல் எடையை தொழில்நுட்ப வசதிகளுடன் குறைக்க மைனஸ் கிளினிக் கோவையில் துவக்கம் !

Published

4 weeks ago

November 4, 2025

dinaidhigai

கோயம்புத்தூர், நவம்பர் 3, 2025

அதிக உடல் எடையுடன் உள்ளவர்கள் தங்கள் உடல் எடையை குறைத்து, தன்னம்பிக்கை தரும் வடிவமைப்பை பெற உதவும் அதிநவீன சிகிச்சைகளை வழங்கும் நிறுவனமான ‘மைனஸ் கிளினிக்’ கோவையில் அதன் முதல் கிளினிக்கை திங்கள் அன்று துவங்கியது. இந்த புது கிளையை பிரபல திரைப்பட நடிகை பிரியா ஆனந்த் துவக்கி வைத்தார். இது கோவை ஆர்.எஸ்.புரத்தில் உள்ள கிழக்கு பெரியசாமி சாலையில், ஜாவேரி பிரதர்ஸ் நகைக்கடைக்கு அருகே அமைந்துள்ளது.

எஸ்.எஸ்.வி.எம் குழும நிறுவனங்களின் அறங்காவலர் திரு. மோகன்தாஸ் மற்றும் நிர்வாக அறங்காவலர் டாக்டர். மணிமேகலை ஆகியோர் சிறப்பு விருந்தினர்களாக இந்தத் துவக்க விழாவில் கலந்துகொண்டனர். மைனஸ் நிறுவனத்தின் நிறுவனர் மற்றும் மேலாண்மை இயக்குநர் ஜே. சரண் வேல் இதில் கலந்து கொண்டார்.

பாதுகாப்பான முறையில் ஒல்லியான உடல் அமைப்பை வழங்க ஐரோப்பா மற்றும் பெரும் வளர்ச்சியடைந்த நாடுகளில் பின்பற்றப்படும் அதிநவீன உபகரணங்கள் மற்றும் மேம்பட்ட தொழில்நுட்பங்களை மைனஸ் நிறுவனம், கோயம்புத்தூருக்குக் கொண்டு வந்துள்ளது.

இந்த உலகளாவிய தொழில்நுட்பங்கள் மற்றும் சிகிச்சைகள் இந்திய வாடிக்கையாளர்களின் தேவைகளுக்கு ஏற்ப வடிவமைக்கப்பட்டுள்ளன. இந்த ஒல்லியாகும் சிகிச்சையானது முகம் முதல் கழுத்து, கைகள், வயிறு, தொடை மற்றும் பின்புறம் வரையிலான பகுதிகளில் சிகிச்சையளிக்கும் வகையில் வடிவமைக்கப்பட்டுள்ளது.

சிகிச்சையானது, வாடிக்கையாளரின் உடல் ஆரோக்கிய நிலையை மதிப்பிட்டப் பிறகு, முதலில் உடலில் உள்ள கொழுப்பைக் குறைப்பதில் கவனம் செலுத்தும். கொழுப்பு குறைந்த பிறகு, தோலை இறுக்குதல் (tightening), உடல் வடிவத்தை செதுக்குதல் (sculpting) மற்றும் டோனிங் (toning) ஆகியவற்றிலும் கவனம் செலுத்தப்படும்.

மைனஸ் நிறுவனம் அறுவை சிகிச்சை, அறுவை சிகிச்சை அல்லாத மற்றும் மிகக் குறைந்த ஊடுருவல் கொண்ட (minimally invasive) ஒல்லியாகும் நடைமுறைகளை வழங்குகிறது. இந்த சிகிச்சைகள் ஆண்களுக்கும் பெண்களுக்கும் மேம்பட்ட, பாதுகாப்பான மற்றும் பயனுள்ளதாக அமையும் படி உருவாக்க பட்டுள்ளது எனவும் இவை அனைத்தும் அமெரிக்க நாட்டின் FDA-அங்கீகாரம் பெற்றவை என்றும் கூறப்பட்டுள்ளது.

நிபுணர்களால் பரிந்துரைக்கப்பட்ட சரியான உணவுமுறை மற்றும் பயிற்சிகளைப் வாடிக்கையாளர்கள் பின்பற்றினால், இதன் விளைவுகள் நீண்ட காலம் நீடிக்கும். இந்த பிராண்ட், கோயம்புத்தூரின் மற்ற பகுதிகளுக்கும் மற்றும் தமிழ்நாட்டின் பிற பகுதிகளுக்கும் விரைவாக விரிவுபடுத்த திட்டமிட்டுள்ளது.

ஆரோக்கியம்

கோயம்புத்தூரில் புற்றுநோய் மையத்தைத் திறந்த ஜெம் மருத்துவமனை!

Published

2 months ago

October 10, 2025

dinaidhigai

ஜெம் மருத்துவமனையின் அங்கமான ஜெம் புற்றுநோய் மையம் இன்று தனது மார்பக ஆரோக்கிய சிகிச்சைகளுக்கான பிரத்தியேக மையத்தை திறந்து வைத்துள்ளது. இந்த புதிய மையம் மார்பக புற்றுநோய் மற்றும் பிற மார்பக நோய்களைக் கண்டறிதல், சிகிச்சை அளித்தல் மற்றும் தடுத்தல் ஆகியவற்றில் சிறப்பான மையமாக விளங்கும் நோக்குடன் தொடங்கப்பட்டுள்ளது.

இந்தத் தொடக்க விழாவில் பிரபல பாடகி அனுராதா ஸ்ரீராம் அவர்கள் தலைமை விருந்தினராகக் கலந்து கொண்டு சிறப்பித்தார். பெண்கள் ஆரோக்கியத்தில் தீவிர அக்கறை கொண்ட இவர், மார்பகப் புற்றுநோயின் ஆரம்பக் கண்டறிதல் மற்றும் சரியான நேரத்தில் சிகிச்சை அளிப்பதன் அவசியத்தை ஊக்குவிக்கும் பிங்க் தூதுவராகவும் செயல்பட்டு வருகிறார்.

இந்த நிகழ்ச்சிக்கு ஜெம் மருத்துவமனையின் தலைவர் டாக்டர். சி. பழனிவேலு தலைமை தாங்கினார். டாக்டர். பிரவீன் ராஜ் (நிர்வாக இயக்குநர்), டாக்டர். பரத் ராஜராஜன் (மருத்துவ இயக்குநர்), டாக்டர். மது சாய்ராம் (கல்வி இயக்குநர்), டாக்டர். சிவகுமார் (அறுவை சிகிச்சை புற்றுநோயியல் துறைத் தலைவர்) மற்றும் டாக்டர். பிரேமா (கதிரியக்க நிபுணர் மற்றும் மார்பக ஆலோசகர்) ஆகியோரும் இதில் பங்கேற்றனர்.

பெண்கள் ஆரோக்கியத்தில் ஒரு மைல்கல் :

இந்தத் தொடக்க விழாவில் பேசிய டாக்டர். சி. பழனிவேலு அவர்கள், “ஜெம் மருத்துவமனையில் மருத்துவ நிபுணத்துவம் தான் சிறந்த விளைவுகளை வழங்கும் என நாங்கள் நம்புகிறோம். ஜெம் ப்ரெஸ்ட் சென்டரின் மூலம், மார்பகம் தொடர்பான அனைத்து பிரச்சனைகளுக்கும் சிறப்பான கவனம் செலுத்தப்பட்ட, ஆதாரபூர்வமான மற்றும் கனிவான சிகிச்சையை வழங்க நாங்கள் இலக்கு வைத்திருக்கிறோம். இந்த மையம் எண்ணற்ற பெண்களுக்கு நம்பிக்கை ஒளியாகத் திகழும்,” என்று கூறினார்.

மருத்துவமனையின் முழுமையான அணுகுமுறையை டாக்டர். பிரவீன் ராஜ் எடுத்துரைத்தார்:

“மார்பகப் புற்றுநோய் என்பது ஒரு உடல்நல பாதிப்பு மட்டுமல்ல; அது ஒரு உணர்ச்சிபூர்வமான பயணமும் கூட. எங்கள் மையம் பரிசோதனை மற்றும் இமேஜிங் சேவை முதல் அறுவை சிகிச்சை, புற்றுநோயியல், மறுசீரமைப்பு மற்றும் புனர்வாழ்வு வரை — அனைத்தையும் ஒரே கூரையின் கீழ் வழங்கும் ஒரு பல்நோக்கு சிகிச்சைக் குழு மாதிரியை வழங்குகிறது,” என கூறினார்.

டாக்டர். பரத் ராஜராஜன் மேலும் கூறியதாவது – “ஒவ்வொரு பெண்ணுக்கும் விரிவான மற்றும் கனிவான சிகிச்சைக்கான அணுகுமுறை இருக்க வேண்டும். வழக்கமான பரிசோதனைகள், ஸ்கிரீனிங் மேமோகிராம் மற்றும் சுய விழிப்புணர்வு ஆகியவை வாழ்க்கையை மாற்றியமைக்கும் முக்கியமான படிகள் ஆகும்.”

பின்னணி பாடகி அனுராதா ஸ்ரீராம் பேசுகையில் ” மார்பகப் புற்றுநோய் ஆரம்பத்தில் கண்டறியப்பட்டால், அதற்கு எளிதில் சிகிச்சை அளிக்க முடியும். பெண்களின் ஆரோக்கியம் மற்றும் நல்வாழ்வுக்கு முன்னுரிமை அளிக்கும் ஒரு பிரத்யேக வசதியை உருவாக்கியதற்காக ஜெம் ப்ரெஸ்ட் சென்டருக்கு எனது வாழ்த்துகளைத் தெரிவித்துக் கொள்கிறேன்,”என்றார்.

விழிப்புணர்வு மற்றும் ஆரம்பக் கண்டறிதலுக்கான உறுதிப்பாடு :

அறுவை சிகிச்சை புற்றுநோயியல் துறைத் தலைவர் டாக்டர். சிவகுமார் விழிப்புணர்வின் முக்கியத்துவத்தை வலியுறுத்தினார்.

“கிட்டத்தட்ட 8 பெண்களில் ஒருவருக்கு தங்கள் வாழ்நாளில் மார்பகப் புற்றுநோய் வரலாம். வழக்கமான பரிசோதனை மூலம் ஆரம்பக் கண்டறிதல் உயிர் பிழைக்கும் விகிதங்களை வியத்தகு முறையில் அதிகரிக்கும். நோய் தடுப்பு சிகிச்சையை அனைவராலும் அணுகக்கூடியதாக மாற்றுவதும், பெண்கள் தங்கள் ஆரோக்கியப் பொறுப்பை ஏற்க ஊக்குவிப்பதும் எங்கள் நோக்கம்,”என கூறினார்.

கதிரியக்க நிபுணர் மற்றும் மார்பக ஆலோசகர் டாக்டர். பிரேமா, மையத்தின் அதிநவீன கண்டறியும் திறன்களை எடுத்துரைத்தார்.

“மேம்பட்ட இமேஜிங், அல்ட்ராசவுண்ட், மேமோகிராபி மற்றும் எம்ஆர்ஐ வசதிகளுடன், நாங்கள் நோயறிதலில் துல்லியத்தை உறுதி செய்கிறோம். பெண்கள் அறிகுறிகளுக்காக காத்திருக்கக் கூடாது — முன்கூட்டிய பரிசோதனையேமுக்கியமாகும்,”என்றார்.