உணவுக்குழாய் புற்றுநோய்க்கு புது அறுவை சிகிச்சை உத்தியை உருவாக்கி, புரட்சி செய்ததற்காக கோவை ஜெம் மருத்துவமனையின் தலைவர் டாக்டர் சி. பழனிவேலுவை தங்களது கவுரவ உறுப்பினராக நியமித்தது ஜப்பான் தொராசிக் அறுவை சிகிச்சை சங்கம்.

இந்த அங்கீகாரம் அவருக்கு 23.10.2025ல் ஜப்பான் நாட்டில் இந்த சங்கத்தின் 78வது ஆண்டு மாநட்டில் வழங்கப்பட்டது.

கோயம்புத்தூரில் நடைபெற்ற செய்தியாளர் சந்திப்பில் பேசிய டாக்டர் பழனிவேலு அவர்கள், தொராசிக் சர்ஜரி துறையில், உணவுக்குழாய் புற்றுநோய்க்கான புதுமையான சிகிச்சை முறை உலகளவில் அங்கீகரிக்கப்பட்டுள்ளதை மகிழ்ச்சியுடன் பகிர்ந்துக்கொண்டார்.

1998 ஆம் ஆண்டு உணவுக்குழாய் புற்றுநோய்க்கு புது அறுவை சிகிச்சை உத்தி ( Thoracoscopic Esophagectomy in Prone Position) டாக்டர் பழனிவேலுவால் உருவாக்கபட்டது. இதன் மூலம் நல்ல விளைவுகள் புற்றுநோயால் பாதிக்கப்பட்டவர்களுக்கு கிடைத்தது.

இந்த உத்தியை ஆசிய பசிபிக் நாடுகளுக்கான மருத்துவ கருத்தரங்கு ஒன்றில் 2005ம் ஆண்டு டாக்டர் பழனிவேலு பல்வேறு மருத்துவ நிபுணர்கள் முன்பு செய்து காட்டியிருந்தார். இதற்கு பெரும் வரவேற்பு இருந்தது. இதை தொடர்நது ஜப்பான் நாட்டில் இருந்து டாக்டர் பழனிவேலு தங்கள் நாட்டில் மருத்துவ துறையை சேர்ந்தவர்கள் முன்பு இதை செய்து காட்ட அழைப்பு விடுக்கப்பட்டது.

டாக்டர் பழனிவேலு அறிமுகம் செய்த இந்த புது அறுவை சிகிச்சை முறை ஜப்பான் நாட்டில் உணவுக்குழாய் புற்றுநோய்க்கான சிகிச்சையில் மாபெரும் மாற்றத்தை கொண்டுவந்தது. இந்த முறை சிகிச்சை பற்றிய அவரின் மருத்துவக்கட்டுரைகள் அந்நாடு மட்டுமின்றி உலக நாடுகளின் மதிப்பை பெற்றது. அமெரிக்கா, இங்கிலாந்து, ஐரோப்பாவின் பல நாடுகள், ஆசிய நாடுகளில் இந்த சிகிச்சை முறைக்கான பாராட்டும் அங்கீகாரமும் கிடைத்தது.

இந்த நிலையில், ஜப்பான் தொராசிக் அறுவை சிகிச்சை சங்கம் இப்படிப்பட்ட தாக்கத்தை இந்த துறையில் ஏற்படுத்தியதாக டாக்டர் பழனிவேலுக்கு கவுரவ உறுப்பினர் பதவி வழங்கி மரியாதை செய்துள்ளது.

இந்த புதுமை கொண்ட அறுவை சிகிச்சை முறையை டாக்டர் பழனிவேலு இந்தியாவில் டெல்லி, மும்பை, சென்னை, கோவை என பல முக்கிய நகரங்களில் உள்ள உணவுக்குழாய் புற்றுநோய்க்கான அறுவை சிகிச்சை செய்யும் மருத்துவ நிபுணர்களுக்கு பயிற்சி வழங்கி உள்ளார்.உலக நாடுகளில் உள்ள நிபுணர்களுக்கு பயிற்சி வழங்கி உள்ளார். அடுத்த ஆண்டு ஜனவரி முதல் இதை இன்னும் தீவிரமாக முன்னெடுக்க உள்ளார் என்பது குறிப்பிடத்தக்கது.

கோயம்புத்தூர் நிர்மலா மகளிர் கல்லூரி தனது 78ஆம் ஆண்டு விழாவை முன்னிட்டு 7 நவம்பர் 2025 அன்று: காலை 10.30 முதல் மதியம் 12.30 வரை ஒரு சிறப்பான புரிந்துணர்வு ஒப்பந்தம்(MoU) கையெழுத்திடும் விழாStart slideshow

வை கோலாகலமாக நடத்தி, தனது கல்வி மற்றும் நிறுவன முன்னேற்றப் பயணத்தில் ஒரு வரலாற்றுச் சாதனையைப் பதித்தது. கல்வி நிறுவனங்கள், தொழில்துறை நிறுவனங்கள், அரசு சாரா அமைப்புகள், சுற்றுச்சூழல் அமைப்புகள் மற்றும் திறன் மேம்பாட்டு நிறுவனங்கள் உட்பட மொத்தம் 78 புரிந்துணர்வு ஒப்பந்தம்(MoU) உடன்படிக்கை அடிப்படையில் கையெழுத்திடப்பட்டன. இது கல்வி மேம்பாடு, புதுமை, சமூகப் பொறுப்பு மற்றும் நாட்டிற்கான பங்களிப்பில் கல்லூரியின் தொடர்ச்சியான அர்ப்பணிப்பை வெளிப்படுத்துகிறது.

தமிழ்நாடு திறன் மேம்பாட்டு கழகம் (TNSDC), நாஸ்காம் (NASSCOM), நான் முதல்வன், வெற்றி நிச்சயம் மற்றும் கல்வி அமைப்புகள் 23, தொழில் அமைப்புகள் 40, அரசு சாரா அமைப்புகள் 15, ஆகியவற்றுடன் 78 புரிந்துணர்வு ஒப்பந்தங்கள் (எம்.ஓ.யூ) கையெழுத்திடப்பட்டன. கல்லூரியில் பயிலும் மாணவிகளுக்கும் வேலைஇல்லா இளைஞர்களுக்கும் பயிற்சி மற்றும் வேலைவாய்ப்பு வழங்குதல், மேலும் தமிழக அரசு இணைந்த திறன் மேம்பாட்டு திட்டங்களை முன்னெடுத்தல் போன்ற பணிகள் இவ்வமைப்புகளுடன் இணைந்து மேற்கொள்ளப்படுகின்றன. இத்தகைய அமைப்புகளின் நிறுவனர்கள் மற்றும் முக்கிய உறுப்பினர்கள் வாயிலாக பெரிய இலக்கை அடைவதற்கான நோக்கத்தை நிறைவேற்றுவதற்கான ஆராய்ச்சி, பயிற்சி, தொழில் முயற்சி, சமூக சேவை, சுற்றுச்சூழல் ஆகியவற்றை மேம்படுத்தி, கல்வி மற்றும் தொழில் துறைகளின் இணைப்பை வலுப்படுத்தும் நோக்கத்தின் அடிப்படையில் உடன்படிக்கை உறுதிப்படுத்தப்பட்டது.

இந்நிகழ்ச்சியில் ஸ்டார்ட்-அப் TN நிறுவனத்தின் உதவி துணைத் தலைவர் திருமதி அகிலா சிறப்பு விருந்தினராகப் பங்கேற்றுச் சிறப்பித்தார் அவர் விழாவில் பேசும்போது. கல்லூரியின் 78 ஆண்டின் நிறைவில் 78 எம் ஓ யு கள் உடன்படிக்கை ஒப்பந்தம் நிகழ்த்தப்பட்டது மிகப்பெரிய அரிய சாதனை இது கல்லூரியின் வளர்ச்சிக்கு ஒரு மைல் கல் என்று குறிப்பிட்டார். மேலும் இத்தகைய அருமையானதொரு சாதனை வருங்காலத்தில் இக்கல்லூரியின் மிகப்பெரிய உன்னத வளர்ச்சிக்கு வழிவகுக்கும் என்றும் எடுத்துரைத்தார். கல்லூரிச் செயலர் அருட்சகோ.முனைவர் குழந்தை தெரஸ் அவர்கள் விழாவுக்குத் தலைமை தாங்கினார். கல்லூரி முதல்வர் அருட்சகோ.முனைவர் மேரி பபியோலா அவர்கள் நிகழ்வைத் தொடக்கிவைத்தார்.

78 ஆண்டுகள் – 78 எம்.ஓ.யூக்கள் எனும் இந்த வரலாற்றுச் சாதனை, நிர்மலா மகளிர் கல்லூரியின் உயர்தரக் கல்வி, திறன் மேம்பாடு மற்றும் சமூகப் பொறுப்பு ஆகியவற்றின் மூலம் மகளிர் வலிமைப்படுத்தும் அதன் நோக்கத்தை மறுபடியும் உறுதிப்படுத்துகிறது.

கோயம்புத்தூர் – பள்ளி தடகள போட்டி – “ATHLETE HUNT 2K25”

தடகள போட்டி – “ATHLETE HUNT 2K25”

கோயம்புத்தூர் மாவட்ட தடகள சங்க அங்கீகாரத்துடன், SPORTS LAND Coimbatore நிறுவனம் நடத்தும் “3rd Junior Inter School Athletic Championship – 2K25” (Athlete Hunt) நிகழ்ச்சி வரும் நவம்பர் 8, 2025 (சனிக்கிழமை) அன்று கோயம்புத்தூர் நெஹ்ரு மைதானத்தில் நடைபெற உள்ளது.

இந்நிகழ்ச்சியை நல்லாரம்மு அறக்கட்டளை சார்பில் தலைமை ஒருங்கிணைப்பாளர் திரு. எஸ்.சுரேஷ்குமார் அவர்கள் ஒருங்கிணைக்கிறார்.

இந்நிகழ்ச்சியில் சிறப்பு விருந்தினராக

ரோட்டரி. எஸ். மணிகண்டன், தலைவர் – Coimbatore District Transport Advisors Welfare Association மற்றும்

ரோட்டரி. பி.எச்.எப். ஏ. சமிவேல், தலைவர் – Rotary Club of Somanur Texcity ஆகியோர் கலந்துகொண்டு மாணவ மாணவியரை உற்சாகப்படுத்த உள்ளனர்.

பல்வேறு பள்ளிகளில் இருந்து திறமையான இளம் தடகள வீரர்கள் பங்கேற்கவுள்ள இந்நிகழ்ச்சி, மாணவர்களின் உடல் திறன் மற்றும் விளையாட்டு ஆவலை வெளிப்படுத்த சிறந்த வாய்ப்பாக அமைய உள்ளது.

நிகழ்ச்சி தொடர்பான தகவல்களுக்கு:

📞 80726 21683 / 88077 69223