கோயம்புத்தூரில் நடைபெற்ற AHPI இன் சுகாதாரப் பராமரிப்பு மாநாட்டின் இரண்டாவது பதிப்பான APHOCON இன் போது, இந்திய சுகாதார வழங்குநர்கள் சங்கம் (AHPI), தமிழ்நாடு அத்தியாயத்தால் 2025–26 ஆம் ஆண்டின் சிறந்த மல்டி-ஸ்பெஷாலிட்டி மருத்துவமனைக்கான விருதைப் பெற்றது ராயல் கேர் மருத்துவமனை.
இந்த விருது, தமிழ்நாட்டின் மேற்கு மண்டலத்தில் உள்ள 100 படுக்கைகளுக்கு மேற்பட்ட மருத்துவமனைகள் பிரிவில், மருத்துவமனையின் சிறந்த சேவையும் செயல்திறனையும் பாராட்டி வழங்கப்பட்டது.இந்த விருதை, மருத்துவமனையின் தலைமை செயல் அதிகாரி டாக்டர் மணிசெந்தில்குமார் பெற்றுக்கொண்டார். விருதை கங்கா மருத்துவமனையின் கை, பிளாஸ்டிக், மறுசீரமைப்பு அறுவை சிகிச்சை மற்றும் தீக்காயங்கள் துறைத் தலைவர் டாக்டர் ராஜா சபாபதி வழங்கினார்.
“இந்த அங்கீகாரம் எங்களின் திறமையின் மீதான உறுதியையும், இரக்கத்தையும், உலகத் தரத்திலான சிகிச்சை வழங்கும் அர்ப்பணிப்பையும் பிரதிபலிக்கிறது,” என மருத்துவமனை தெரிவித்துள்ளது.
